الموضوع بدأ لما بقى عندي سنة فاضية في الكلية ومبقيتش بروح محاضرات كتير مبخرجش كتير والفراغ والوحدة تمكنوا مني بشكل كبير

لحد ما قدمت في كورس وقابلت بنت هناك من اول يوم شوفتها فيه وانا بحاول مهتمش وابص بعيد واتجنبها علشان متعلقش وكده علشان مجرب الموضوع ده قبل كده

عدت الأيام والشهور لحد ما كلمتني اشرحلها المادة اللي بناخد فيها كورس دي علشان مستوايا كويس وكده وانا وافقت عادي

وساعة الامتحان برضو قالتلي مش عارفة حاجة وساعدتها تقريبا حليتلها الورقة كلها وجابت درجة عالية وانا عارف عواقب ده بعدين

لما روحت كلمتني وقعدت تشكرني جامد وتقولي مش عارفة من غيرك كنت هعمل ايه يصاحبي ، شكرا يصاحبي ، ربنا يخليك يصاحبي

انا قولت عادي صاحبي صاحبي مش هتفرق

خدنا الأجازة وهنا بدأت المصيبة تظهر

مبيعديش يوم غير لما افكر فيها وسيناريوهات وهمية وحوارات وبلاوي زرقا فضلت ع الحال ده شهرين لحد ما قررت اخش اكلمها عادي ودخلت اتكلمت وهي متجاوبة عادي بس في نفس الوقت مش عارف اعترف بحاجة ولا اعبر عن حاجة وفي نفس الوقت مش عارف هل هي معجبة بيا لانها بتتكلم بدون تحفظ عادي جدا وبتحكيلي يومها عادي وبتنزل ستوربهات مع صحابها بعد منا بدأت اكلمها عادي يعني مش قلقانة يعني حاسة بأمان من ناحيتي اقصد

بس في نفس الوقت مش عارف برضو

في مرة قولتلها انا مزهقك ولا حاجة قالتلي لا خالص ليه بتقول كده عادي يعني

بس بحس انها مش عايزة تحرجني علشان انا ساعدتها مرة واتنين وتلاتة مثلا مش عارف

انا في قسم وهي في قسم بس في نفس السنة بس المشكلة ان انا نزلت سنة في الكلية ف مش عارف نظرتها ليا عاملة ازاي

اوقات بتتكلم بشغف عادي في مرة قعدت اكلمها ساعتين من الساعة ٥ الصبح لحد الساعة ٧

وفي اوقات بحسها زهقانة في مش عارف احدد موقفي

ممكن لما ترد عليا ابقا طاير من الفرحة وممكن ترد برضو واقعد اسبوع مكتئب ومش عارف اكل ولا اشرب وحالتي حالة

حتى كنت عايز اشوف شغل في الاجازة علشان اشغل نفسي بس للأسف لسة عندي مذاكرة وامتحانات

ودلوقت بعتلها وهي لسة مردتش وقاعد على اعصابي برضو

انا بضيع والله حالتي صعبة فشخ

وبس كده اعتبروها فضفضة يعني

اخيرااا اتظبطط🥳🥳🥳 عرفت أنام الساعة ١٠ و صحيت دلوقتي فرحن بجد🥳🥳🥳 (هيبوظ تآني عموما أنا عارفة)

ما بين سنة ٢٠٠٠ و ١٩٩٩ طفل في تالتة ابتدائي ف مدرسة تجريبي ف القاهرة إدى أمي المج دا وهي كانت في الوقت دا مدرسة الدين بتاعته.

أنا عارفة اسم الطفل دا الثنائي (أو الراجل دا يعني لأنه دلوقتي أربعيني أو في أواخر التلاتينات) ونفسي أقابله هنا أو في أي حتة (خصوصا إن ماما بتقول عليه ذكي ومتكلم وواجهة كدا) وأسأله سؤال واحد بس، ليه؟

خلصت تالتة ثانوي، حاسس اني دخلت حياة الكبار خلاص ولازم اظبط دنيتي وبصراحه كنت ماسح كل تطبيقات السوشيال ميديا ومش حاسس اني عايز ارجعها بقيت استعيلها وبتضيع وقت فعلا

بس معنديش هوايات، كنت بحب علم النفس والفلسفة وال اللغويات بس حتى معنديش ادنى فكرة ايه احسن كتب اقراها

لو عندكم افكار اقدر اطور بيها نفسي لغايت م النتيجة تطلع ونصائح تفيدني فلجامعة وحياتي الجامعية وبلأخص اني ناوي اشتغل بأذن الله وانا بدرس اتفضلو لأني ناوي اعمل reset لحياتي القديمة الكانت كلها تضييع وقت وفضا

شايفك ياللي هتقول عملت ف دماغك سيناريوهات وهمية بطلب حل مش عايز حد يأنبني

ي جماعة الحقوني بجد مشاعري بدات تتغير معلش من غير تريقه والله أنا بعاني ومش حابب اكون كده بقالي فتره بقيت بحس بميول اتجاه الشذوذ و الموضع بدا يكبر معايا و حالياً انجذابي بيكون لرجاله و انجذابي لستات بدا يختفي برغم إني عمري ما عملت علاقه مع ده ولا ده أنا عمري ما كلمت بنت أصلا بس حاليا أنا تعبان و جوايا شخصين شخص سترايت و شخص جاي و خايف في مره أضعف و أعمل حاجه بعده اكون مدمن للحاجه دي و معرفش ابطله زي ما قريت يعني إلي بيجرب مره عمره ما بيعرف يبطل لما الموضوع بيشد عليا بعمل العاده السريه و متعرفوش كسرتي قدام نفسي لما بشوف إني بقيت جاي أنا مش اينفع اكون كده لا مجتمع هيقبلني ولا دين أنا فكرت اكلم بنت عشان ابطل افكر في الميول ده بس معرفتش للأسف لما بحاول مع اي واحده تعملي بلوك و بضايف برضو لأني مش بحب اكون حكاك ولا ملزق بس غصب عني عايز اي حاجه تنسي و ترجعني طبيعي و كمان ناس كتير بتتكلم علي جسمي و شكلي ب تحرش برغم أن شايف نفسي عادي والله مش زي العيال الفامبوي بحس كلمهم ده هو بدا يغير ميولي تحرشات لفظيه كله في سياق الهزار يعني متقدرش تاخد موقف من عند معين ف بتعدي عشان متبروزش الموضوع

ف الواحد تعب والله ومش عارف يعمل ايه أي حد عنده حل يقوله او ادعيلي دعوه ربنا يسترها عليك

بيدو downvote بدون سبب

انا ماشي في الشارع دلوقتي واحد معاه سيجارة فا بيقولي ولاعه

قولتله للاسف مش مدخن 😃قالي ربنا ياخدك

كان الحرية الوحيدة الي اكتسبها هي ازدراء الاديان

بالمناسبة حابب اشكر جدا مودز الصبات الي ناشر فيها علي ريديت و عدم الممانعه اني انشر البوستات دي شكرا جزيلا 🌹

زي ما وعدتك هنتكلم عن عاطفة المرأة يا صديقي الصدوق فركز كده لانه موضوع معقد جدا و طويل اتمني تقري البوست للاخر

اكيد كلنا دخلنا في يوم تكلم اختك صاحبتك ايا كان و لقيتها بتعيط مالك طب يهديك يرضيك و في الاخر تقولك اصل اتخيلت ان فلان جراله كذا و ده طبيعي يعني عادي جدا مستني ايه منهم غير النكد (اسف يا صديقتي ) تعالي ناخد الموضوع بنظرة علمية شوية

(الموضوع طويل و معقد و احتمال يكون اطول من البوست التاني الشاي بتاعك يا باشا او تركن البوست لوقت رواقه بس 🌹♥فولو و اب فوت عشان نكمل )

و عشان نتعمق يا عزيزي في هذا الكائن العاطفي الجميل الي هو الانثي (ابسطي اهو مش حارمك من حاجه) اخدك الاول في جولة صغيرة تشريحية لمخ الانثي البشرية

اولا : القشرة الحزامية الامامية (Anterior Cingulate Cortex - ACC) »»»»»»»»»»» الجزء ده هو المسئول عند الانسان بملاحظة الاخطاء و تنظيم العواطف و ده زي المتوقع فهو اكبر عند الانثي من الرجل بنسبة من 10٪ ل 15٪ تخيل بقي انهم بيقدروا يحسوا بالكلام الي طالع منك بسبب الجزء ده يعني لما تيجي تقولك (بتحبني يا حمادة؟) قولهالها بكل حب وحماس يا حمادة مش ناقصين مشاكل و برضو ده السبب الي بيخليها تقعد تهري و تاكل في نفسها لما يكون فيه مشكلة و متنحلش في ساعتها حللها مشاكلها يا حمادة البت هتنبري زي الاستيكه

ثانيا : اللوزة الدماغية بالفص الايسر (L-Amygdala) »»»»»»»»»»» و دي يا ياصديقي القارئ المسئول عن معالجه المشاعر عكس لوز الفص الايمن المسؤول عن معالجه المشاعر السلبية بس فاليسري بتركز علي معالجه الاتنين و دي الي بتستخدمها الاناث علي طول في معالجة المشاعر ف علي عكس المتوقع ان اللوز اليسري عند الرجال اكبر من البنات الا انها عند البنات معتمدين اكتر عليها و ده بيخليها انها تشفر (جايه من تشفير )المشاعر و تتحول الي ذاكرة للمشاعر بيخليها متنساش اي حد جرح مشاعرها او شتمها وهي متقبلتش (قلبهم اسود بيشيل او لوزتهم بقا )بيخليها تتذكر ادق تفاصيل الاهانات ليها و هي دي برضه الي بتخليها فضولية و عايزة تجمع المعلومات عشان كده تلاقيها بتقولك و بعدين حتي بعد ما تخلص عشان مقولتلهاش تفاصيل و تلاقي الست الوالدة قاعدة مع خالتك في التليفون بتقولها (اه... اممم... طب و بعدين سيد عمل ايه؟....والله نسمه اتخطبت؟)

الفولو بتاعك للبروف و الاب فوت عشان نكمل في تفسير الاشياء بشكل علمي 🫡🌹

ثالثا: *الحصين (Hippocampus) »»»»»»»»»»»» و الحصين يا صديقي العزيز ده بالظبط الريسيبشن بتاع المخ للذكريات و الخبرات بياخد المعلومات و الخبرات اليومية المكتسبة و اول ما تنام و تدخل في مرحلة النوم العميق بياخد الذكريات و الخبرات يوديها للقشرة الدماغية ال ACC و برضو الحصين هو الي بيخليك تفتكر الطرق لما تكون ماشي يعني تقدر تقول ان الحصين ده هو برضو ال GPS بتاعك عند الانثي نفس الكلام بس بيعمل حاجه زيادة انه بيحفز الدماغ عندها انها تفتكر التواريخ اكتر عشان كده هتلاقيها فاكرة تواريخ اول ديت مثلا او تاريخ اول هدية و انت يعيني عليك غلبان ناسي انت كلت ايه امبارح (شايفك يلي بتقول لا فاكر ) كده هي يا صديقي مش بتعمل كده عشان تنكد عليك لا ده الحصين بيربط تذكرك لهذه التواريخ كلغه حب و اهتمام بيها (افتكر التاريخ يا حماده عشان حالك يتزبط) و لما الانثي هذا الكائن البسكوته يطلع من علاقه سببتله جرح عاطفي الحصين بيعمل حاجه هتخليكي عايزه تقطعيه من مخك الحصين بيفَضل ان هو يستدعي الجرح ده و يفكرك ازاي العلاقه دي وجعتك (عشان كده هتلاقي صاحبتك يا صديقتي بتكلمك ازاي سي السيد بتاعها ادالها الصابونه) بس بيعمل كده عشان يخلي الدماغ ميكررش الغلط ده تاني ( رغم كده بتكرريه عادي جدا ولا كأن عندك مخ اصلا )

رابعا: الفص الجبهي الامامي (Prefrontal Cortex - PFC) »»»»»»»»»»»»» و دي بقي المسئولة عن التخطيط و اتخاذ القرارات االتحكم في الاندفاع و المشاعر و دي برضو الذاكرة قصيرة المدي و المسئولة عن مرونة الادراك ال الفص الجبهي الامامي ده هو ضميرك الحي الي بتفكر بيه مره و اتنين قبل متعمل شئ غلط من غيره هتبقي عامل زي الحيوان ، في الانثي يا صديقي ال الفص ده بيلعب دور مهم في اتخاذ الشريك لان الانثي بتميل الي الاستقرار الطويل عشان كده الانثي بتفكر مستقبلا و بتسأل سؤال واحد ( هل الذكر الي معايا ده قادر علي انه يأمن لي حياة امنه؟) فهتلاقيها بتتوجه للرجل الي تحسه مسئول و قادر يحميها مش بس كده ده الفص الجبهي ده بيخلي الانثي تحب الكلام اكتر من التواصل الجسدي و تحب ان الذكر الي معاها ده يكون ذكي و حكيم قادر عل ان هو ياخد قراراته بنفسه عشان تحس معاه بالراحة عشان كده تلاقي سهل ان انت تاكل دماغها بكلمتين عكس الراجل بتاكل دماغه مسافه ما بتقرب منه و يشوفها بعينه لان من اقوي بوابات الانجذاب عنده (عشان كده المره الجاية الي تطلبي منه فلوس بصي في عيونه بحنان يا حنان )

يعني انا كتبت كل ده و بحول بقدر الامكان ابسطلك الموضوع المعقد ده و معملتش و لا فولو للبروفايل و لا اب فوت للبوست ولا شوفنا اي حاجه يعم عادي 😔🌹

خامسا: منطقه تحت المهاد (Hypothalamus) »»»»»»»»»»»»» و المنطقه دي مسئول عن منظم الجسم بتنظملك حرارة جسمك من جوة بيراقب مستويات الاملاح و السكر و المغذيات في جسمك ده الي بيخليك لما طاقتك قربت تخلص يخليك تحس انك جعان عشان تاكل و تمد جسمك بالطاقه و ده برضو الجزء المسؤول عن الساعه البيولوجية الي في جسمك و بيربط الجهاز العصبي بالغدد و و تخليه يظبط افراز الهرمونات و ينظملك ضربات القلب و الامعاء عامل زي مراقب الجوده في جسمك من جوة و بما انه كما ذكرنا يا صديقي انه بينظم الهرمونات في الجسم فهو برضو مسئول عن افراز الاوكسيتوسين و الهرمون ده مسئول االاحتياجات البيولوجية بيخلي رغبه في التلامس الحميمي الغير الجنسي (العناق ، اللمس ، الاتكاء علي الشريك ) و ده يصديقي بيولد رغبة قوية في الامن المستمر و يبقلل هرمون القلق (الكورتيزول)

و دلوقتي بعض معرفنا التشريح للمخ البشري و ازاي بيختلف في الانثي و انت لسه معملتش ولا فولو للصفحه ولا اب فوت للبوست خدلك قهوة عشان تفوق في نص البوست ☕🌹

في دراسة اتعملت يا صديقي عام 2000 في جامعة UCLA في لوس انجلوس بأمريكا تجربة عملتها الباحثة شيلي تايلور تحت عنوان Biobehavioral responses to stress in females الاستجابات السلوكية البيولوجية للتوتر لدي الإناث »»»»»»»»»»»»» جت تايلور و لاحظت ان كل التجارب الي اتعملت في تجربة fight or flight (الكر و الفر ) كلهم حيوانات و بشر كانوا علي الذكور فقالت طب ايه الي هيحصل لو جربنا علي الإناث و فعلا يا صديقي تايلور مكدبتش خبر و راحت جربت علي الإناث لاحظو اشياء مهمه و هي كالتالي افراز هائل لهرمون الاوكسيتوسين في الحصين مش بس كده ده كمان هرمون الاستروجين عززها و ربط كل حاجه مباشرة بمستقبلات الاوكسيتوسين في اللوز اللوز الدماغية (amygdala) و القشرة الحزامية (ACC) و ده الي ادي يا صديقي ان حالة الذعر و للخوف الي كانت فيها ابتدت تقل تدريجيا و هبوط بعد كده في هرمون الكورتيزول المسؤول عن القلق يعني جسم الانثي داخليا عرف يهدي نفسه و يوصل للسلام عكس الراجل الي ابتدي الادرينالين يفور في جسمه و التستوستيرون يرتفع مع الكورتيزول و التستوستيرون يصطدم مع الاوكسيتوسين الي اشعل العملية اكتر و دخل في حاله التأهب للعنف الجسدي و ابتدي يتعصب (كائنات همج و شرسة احنا برضو)

و نسيب تايلو في حالها بقا و نروح مابين من سنه 2001 لسنه2002 و نشوف الباحثين (ترخان كانلي و لاري كاهيل) كده تجربه اتعملت في جامعه ستانفورد و UCI بأمريكا تحت عنوان “Sex differences in the neural basis of emotional memories" الفروق بين الجنسين في الأساس العصبي للذكريات العاطفية »»»»»»»»»»»»»» و التجرية ببساطة شديدة يا عزيز القارئ انهم جابوا 12 ست و 12 راجل و حطوهم تحت الرنين المغناطيسي الوظيفي (FMRI)و عرضوا عليهم صورة مرتبة من العادية الي الاكثر سالبية عاطفية و بعد 3 اسابيع جابوهم تاني عشان يقيسوا دقه التذكر الي شافوه في الإناث لاحظوا ان فصين المخ اشتغلوا مع بعض و رجعوا يعيدوا الصور تاني بنفس التفاصيل بنفس الاحساس و نفس التفاعل الدماغي كأنها لسه اول مرة انما في حالة الرجال اشتغل الفص الايمن بس و ده الي خلاهم يدوبك فاكرين العنوان و الفكرة الرئيسية و تفاصيل صغيرة جدا عكس الانثي الي كانت فاكره كل حاجه (احنا غلابة اوي يا خال والله)

و في دراسة تانية عملتها العالمه (تانيا سينجر) سنه 2004 في جامعه UCL بلندن تحت عنوان "Empathy for pain involves the affective but not sensory components of pain"التعاطف مع الألم يشمل المكونات العاطفية وليس المكونات الحسية للألم »»»»»»»»»»»»»»» اظهرت يا صديقي التجربه دي ان التعاطف مش بس فكرة او شعور لا دي عملية فسيولوجية بتحصل جوه مخك اه ياصديقي يعني زعلك علي عم رمضان بتاع الكبدة الي قفل عشان المشاكل مش صدفه في الدراسة دي دكتور تانيا جابت 32 شخص متقسمين ل 16 رجل و 16 سيدة متجوزين و حطوهم هم و حطوا كل سيدة قصادها جوزها و حطوا اقطاب كهربائية في يد كل واحد تحت جهاز الرنين الوظيفي (FMRI) و حطوا شاشه قصاد كل شخص برده لو الشاشة نورت احمر فالقطب الي متوصل بيد الزوجه هيكهربها كهربا خفيفة لو الشاشه نورت اخضر فالقطب الي علي ايد الزوح هيكهربه كهربا خفيفة و طبعاً الاتنين قصاد بعض فالزوج في وشه زوجته و قدام كل واحد شاشه لو الشاشه نورت اخضر يبقي الزوج هيتلقي صعقه كهربية خفيفة عبر القطب الي متوصل في ايده لو الاشارة حمراء يبقي الزوجه هي الي هتتلقي الصعقه و استمرت التجربة يا صديقي و الي خلالها لاحظو ان لما الزوجه تتصعق بيشتغل عندها في دماغها مركزين مركز الاحساس الجسدي و المراكز العاطفية الي هي ال ACC الي بيديها في نفسها شعور ده بيوجع و لما ياصديقي جربوا يصعقوا الزوج قدام الزوجه مشتغلش مركز الاحساس بالالم و ده طبيعي مش لانها هي الي اتصعقت و لكن هنا حصلت المفاجأة عارف ايه هي ؟مش عارف تعال تعالي يا صديقي اما اقولك الباحثين لاحظو ان لما الزوج اتصعق قدامها لاحظوا ان مراكز الاحساس العاطفي ال ACC اشتغلت و لا كأنها هي بالظبط الي اتصعقت!

هييجي واحد دلوقت يقوله الله يعني مش غريبة يعني يابو الاتراك 🧐 هقولك يا صديقي اهدي علي رزقك عقل المرأة يا صديقي القارئ مصمم بدقه عاليه جدا عشان يحافظ علي استقرار و امان الاسرة بل كمان مصمم كده بحيث يستشعر اللي حواليه كيميائيا و فسيولوجيا من خلال مجموعه دقيقة جدا من التصميمات العصبية عشان كده ممكون تكون متعور و تلاقي الوالدة قاعدة عمالة تبصلك و تحس انها هي الي اتعورت لان المخ ترجم الالم بتاعك لالمها هي بس في الحقيقه مستشعرات الالم في الجسم مشتغلتش بل هي فقط حاسه بوجعك كيميائيا في المخ

و في نهاية البوست ياصديقي عايز اقولك ان المرأة مهما كانت فتظل انسان حساس عاطفي هاش و رقيق و حساس جدا بيكمل الراجل الي طبيعته بتفرض عليه القوة و الصراع الداخلي و الخارجي و المرأة هي ييت الراحة و كل جنس معمول عشان يكمل الاخر عاطفة المرأة معموله عشان تكمل غضب الرجل و تعرف تحتوية و تحتوي الاسرة

و بما انك و صلت معايا لحد هنا يا عزيزي القارئ حابب اشكرك جدا علي قرأتك للبوست و اتمني تكون استوعبت الي انا بقوله انا عارف انه موضوع معقد و صعب جدا (حتي في العلم الخاص بيهم صاعبين و معقدين اسف يا صديقتي المرأة بس انتو الي صاعبين ) و اتمني تكون دعمت البوست و البروفايل ب أب ڤوت و دعمت البروفايل ب فولو عشان نكمل انا بقالي 3 ايام بحضر في البوست ده فأتمني الدعم و حابب لو في حد شايف معلومة مش دقيقة او فيها غلطه في البوست يقولي عليها خاصة لو طالب طب جل من لا يسهو طبعا و وارد جدا اكون غلطت و انا مش واخد بالي

و بس كده يا عزيزي شكرا لقرأتك و يومك احسن ان شاء الله 🫡♥🌹

عدي شهرين علي الموضوع وانا خلاص اقتنعت اني كنت محرد شخص عابر في حياته و الوجع بيخف مع الوقت بس ازاي اتقالم بالام ده

مش قادر اتخطى الواد انا صحيت من نومي اضحك واكتب البوست 😭😭😭

طفل جالي من شويه وانا بقفل الصيدليه

بيقولي عنده كاب وكذا حد من صحابه كان بيلبسه معاه

فا بقوله عايز ايه يعني

بيقولي يا دكتور دماغي بتحكني

انا معرفش انا شارب ايه حبيت اترول عليه

قولتله جالك الايدز 😭😭😭😭😭😭😭

الواد ما صدق تقريبا ولا ايه ولا معرفش يعرف الايدز ازاي اصلا

لقيته بيعيط 😂😂😂😂😂انا فضلت اضحك زي المجنون

بس فهمته يعني

بس رد فعله قتلني 😭😭😭

محاولة تانية إني أظبط نومي، كنت عايزة امبارح أفضل صاحية ل١٠ مثلا بس النوم تغلب عليا الساعة ٨ فصحيت على الفجر كدا🥀🥀

النهاردة هحاول بجد اجي على نفسي و أفضل ١٠ عشان بكرا عندي مشوار متأخر فلازم أكون فايقة ليه

ربي حيوان اليف عشان يملالك فراغك العاطفي عشان متختارش غلط في العلاقات و بيخليك تتشافي من العلاقات السامة (ده ملخص فيديوهين اتفرجت عليهم الساعة ٣ و انا مش عارف انام)

بس الحيوانات الاليفة بتعيش اقل مني هتموت و تاخد حتة من قلبي معاها..... هربي سلحفة برية تعيش اكتر منني احسن .

اظن معظمكم سمع عن حادثة القتل اللي حصلت في العراق. طفلين خطفوا طفلة واغتصبوها وقتلوها. انا كنت بناقش واحدة فالحوار ده وسألتها تفتكري ليه الطفلين دولت عملوا كدة هي اختزلت كل شيء في جملة "عادي تجربة" وشافت سؤالي سؤال ساذج. مع إنه اجابتها هي الساذجة لأن اي حاجة الشخص بيعملها لأول مرة بتكون تجربة وبرضو وصلنا لنفس النقطة ايه السبب ورا ان الطفلين يجربو حاجة شبه كدة هي سابت ده كله واعترضت على إن القتل مش تجربة لأنه بيبقى عارف انه غلط وهيتضر وبيخبي انا ضربت مثال بالتدخين بما ان الاتنين منبوذين في المجتمع بس بدرجات مختلفة فا قولتلها إن التدخين اول مرة بيكون تجربة رغم ان اللي بيدخن اول مرة وبيجرب بيبقى عارف عواقب افعاله وقالت كلامي غير مقنع. انا محتاج اعرف رأيكم عن الحوار شايفين الحوار عادي مجرد تجربة ولا إن اي حاجة الانسان بيعملها لاول مرة كدة كدة تجربة وفيه دافع وحافز ورا "تجربة" القتل دي وهل ده فعلًا سؤال ساذج او بقولها "فلاح"؟

عايز اعرف هل الناس الي في ريديت تعرفني ولا لا؟
وتعرف عني ايه؟
وتحت تعرف عني ايه؟